SNOWDEN

De Gschicht, wia da Jon Snowden zua Nochtwochn geht (de wos aus iagandan Grund in den Füm mit EnEsÄ okiazn tan) und dann draufkummt, dass de ned nua in Kenich hinta da Waund ohuachn tan, sundan a de ganzn normoin ondan Leit in Westeros (des wos aus iagendan Grund in den Füm mit JuEsÄ okiazn tan) a und wira dann sein Eid brechn tuat und ois da Zeidung dazöht. Auf des hinaus san natirlich de Lännister (de wos in den Füm aus iagendan Grund Obama haaßn) haaß auf eam und woin eam in Kerka schmeißn.

Eh interessant und trotz den, wos ma eh scho waaß, imma no easchreckend, fia an Füm vom Sta Ollie owa recht brav und konventionell gmocht. Da homma vo eam scho ganz onadre Sochn gsegn. Owa guad, da Füm is vo de Bayern zoit wuan, do muaßt innahoib vo de Karo am Hemad bleim.

USA 2015. Regie: Oliver Stone. Buch: Oliver Stone, Kieran Fitzgerald. Darsteller: Joseph-Gordon-Levitt, Shailene Woodley, Melissa Leo, Rhys Ifans, Zachary Quinto, Nicolas Cage, Tom Wilkinson. 134 min.