Wos is scho a klane Nekrofülie unta Hawara?
De Anna Fritz is gstuam. Wos an an schlechtn Dog an jedn vo uns passian kau. Vuahea is da greßte Fümschtar vo Mallorca und Umgebung gwesn. Nochdem gsogt wiad, dass se a min Woody Allen und min Almodóvar draht hot, diafat de Figua an da Penélope Cruz auglahnt sei, de wos se a recht schee dafia bedonkn lossn wiad.
De Leich wiad in d Aufschneidarei eigliafat. Duat hot grod a deppata Bersch Nochtschicht, dea wos se seine um nix weniga deppatn Freind eilod. Gemma Leich schaun, des kau da gleante Weana no guad nachvoiziagn. Weus owa schbanische Matscho san und aubempert sowieso, kummans auf no mea blede Ideen, was ma mit so ana Leich ois mochn kenntat.
Fias Weidalesn: SCHBOILA-ALÖRT!
Des fongt se ois recht, recht org au, dassd da denkst, Oida, wo hob i mein Speibkiebe higstöt? Vuan letzn Iceberg in da Arena wora do no do! Owa dann hot de Leich a Idee, de fia de deppatn Buama recht bled is. Es foit ia nämlich mittndrin ei, dass ma a wieda vo de Dodn aufstengan kenntat. Und somit hom olle mitananda in Scheam auf. Weu de Leich nämlich scho übarissn hod, wos ogrennt is. Und jetz hom de Leichnfleddara Fedan, dass de Leich ois dena Kiewaran dazöhn kennt. Wos mochst? De Leich wieda hamdrahn, owa dermoi in echt, mant ana. De ondan san wieda ned gonz sochane Gfrasta. De Leich is aus nochvoiziehbore Übalegungan a ned dabei. Und scho is a festa Köch beinanda.
Ois a Kammakrimi ums Schlechte in de Leit eh okee, owa nochn orgn Aufong kummt nix bsundas mehr noch.
Nua auf DeVauDe.
ESP 2015. Regie: Hèctor Hernández Vicens. Buch: Isaac P. Creuss, Hèctor Hernández Vicens. Darsteller: Albert Carbó, Alba Ribas, Cristian Valencia, Bernat Saumell. 76 min.
Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)
Le Füm-Blog 