Schtiempank, des is wann a Füm in da Wöd vo heit spün tatat, owa mit da Technik vo vuagestan. In den Füm jetz is noch da Dampfmaschin nix neichs mea eafundn wuan, denentsprechend homs olle Bam umghaut und vahazt, und ois rennt nua mea mit Koin. Und da Eiffeltuam is jetz zu zweit. Wia imma des genau zsammanhängan tuat…
De vadrahde Wöd is guad aufbaut und dazöht, dazua kummt a sponnandes Geheimnis um de Öltan vo da Avril, de wos vo ana elektrischn Woikn vazaht wuan san, so wü vüle ondare Wissnschoftla a. Und da französische Kaisa tatat a Wissnschoftla brauchn, dass de eam neiche Woffn baum fian Kriag gegn Ameriga, wegna de kanadischn Bam warats gwesn. Fangt si sea leiwaund an, baut a es Geheimnis guad auf, iagendwann bleim owa de guadn Ideen zagatscht auf da Stroßn zruck und imma mea fade Äktschn-Eilogn haun in Füm zsamm.
F 2015. Regie: Christian Demares, Franck Ekinci. Buch: Franck Ecinci, Benjamin Legrand. Darsteller: Marion Cotillard, Philippe Katerine, Marc-André Grondin, Jean Rochefort, Bouli Lanners, Olivier Gourmet. 105 min.
Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)
Le Füm-Blog 
lieber Schluaf und lieber Wauzi –
darf ich mir, weil bald Weihnachten ist, was wünschen?
könnt ihr uns Lesern eure Meinungen zu den gerade erschienenen Golden Globe-Nominierungn mitteilen?
Wauzi, du must ja zufrieden sein – glaube, Toni Erdmann ist ja auch genannt 🙂
Bussi Babsi
LikeLike
Salü Babsi,
Jö sui desolää, zu de Goidanan Gockele gib i jetzn kan Senf o, weu i jo die meistn Füm no net gsegn hob. Oba fir die Oscars is des donn erledigt, do schreib i wos. Und ihr kennts wieda mitrotn, wer si de Oaschgurkn aufs Heisl stön derf – firn Gscheidastn unta eich gibts a wieda unsre Bestn Füm von 2016 auf Devaude zum gwinnan. Wer oiso zu Weihnochtn net brav woar und nix kriagt hot, konn si darappln.
Bisu dö Pari.
LikeLike
Bussi und Danke an euch beide!
LikeLike