Wos warat gwesn, wann unsa Lehra Dokta Schpecht ocht Fiaß ghobt hättat, an Riesensmiley stott in Plutza, grod in Mond a Loch gmocht hättat und die ganze Wöd a no dazua himochn hättat woin? Owa imma no grecht gwesn warat und a Supalehra?
Wanns d gach a deppate Gschicht brauchst, auf de Japonesa kaust wirklich imma zöhn. Da Smiley-Tintnfisch, vo den kana waaß, wora hea kummt, vaspricht, dassa de Wöd in Rua losst, wanna in ana Klass vo Raudi und Sitznbleiba in Herrn Fessa spün deaf unds ana vo de Gschroppn in den Schuijoa schofft, in Fessa zum hamdrahn. Muass da a eascht eifoin, sowos. Des is so genauso bled ois wia sa ses auhuacht, owa grodaus und bei olle Schmäh a eansthoft dazöht, und ma kau si den Gonzn nua schwea entziagn. A wann an is Hian schmözn tuat dabei. Oiso so wia bein wirklichn Dokta Schpecht, gotthobeamsölich…
J 2015. Regie: Eiichirou Hasemi. Buch: Tatsuya Kanazawa. Darsteller: Kazunari Ninomiya, Ryosuke Yamada, Masaki Suda, Maika Yamamoto, Seishiro Kato, Kang Ji-Young, Kippei Shiina, Akira Takaoka. 110 min.
Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)
Le Füm-Blog 