A ondara Titl vo den Füm kunntat sei: Vü Blabla um Nix in Boboland. Und weu nix passiat, kann i eich a ned vü dazöhn.
Zwa Leit san vaheirat, san nimmamea so frisch, wias gean waratn und fadisian si. Owa nua a bissl, eigentlich passts eh. Und so hams vü Zeit zum quatschn, wanns mit ihre Bobo-Freind untawegs san. Hob is scho eawähnt? Blabla blabla blabla.
Trotzdem geht da Füm fost auf, weu so a entrische und melancholische Stimmung drunta liegt, zu dea wos beitrogn tuat, dass de glei am Aufong in da r Erd hintan Ferienheisl a staubigs Banl und a rostige Puffn findn. Da Mau und seine Freind woin auf des banerstrottern und tan fleißig nochgrom. Vielleicht waratn jo rostige Fliagl und a Heulichnschein a vagrom. Und wann scho des ned, wenigst a gscheide Leich. Owa a des fiaht am End ned wirklich wo hi. Wia ois ondare a. Wia hoit es Lem so spüt. Des hättat i a so gwusst…
USA 2015. Regie: Joe Swanberg. Buch: Joe Swanberg, Jake Johnson. Darsteller: Jake Johnson, Rosemarie DeWitt, Brie Larson, Anna Kendrick, Orlando Bloom, Sam Rockwell, Sam Elliott. 85 min.
Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)
Le Füm-Blog 