Wau i ma so in Origineutitl auschau, dann diafats a weng gfenzt sei, si im Koreanischn kuaz zum fossn…
Es geht um an Mau und a Frau, de wos mitananda aubandln woin. Des wiad im Füm zwamoi untaschiedlich duachgspüt. Amoi tans urndlich einedrahn und mochn auf wichtig und Gschaftlhuaba, in zweitn Duachlauf tan sa se ned vastön und san liab zarananda. Und des geht bei beidn bessa eine.
Bei ähnliche Füm, wia bein LOLA RENNT, kummts meist auf Zuföllichkeitn an oda auf des, was de Leit tuan. Do jetz foign de zwa untaschiedlichn Valäuf aus de untaschiedlichn innan Eistöllungen vo de Figuan. A afoche Idee, owa ned deppat. Und a Voiksfest fia de zwa Schauspüla.
Ma muss si nua scho ibawindn, dass ma des durchhoit. In da eastn Höftn san de Figuan so unguad hianwixarisch auglegt, dassd as nua hossn konnst. De Reschie mocht mit und tuat statt schneidn komisch min Zuum ummadum. Da denkst da schon, obsd des jetz duachhoitst. Da zweite Duachlauf mit de nettn Leit is dann owa liab zum auschaun. Obwoi eigentlich nix passiat, hätt ma si des a länga gem kenna. Und dabei mog i eigentlich kane nettn Leit. Und a kane Beagwandarungan. Genau wia da Gustav Gans, wea in Soga vo eam kennt.
SK 2015. Regie & Buch: Sang-soo Hung. Darsteller: Jae-yeong Jeong, Min-hee Kim, Yeo-jeong Yoon, Ju-bong Gi, Haw-Jeong Choi, Ah-sung Ko. 121 min.
Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)
Le Füm-Blog 
seas, schluaf!
huacht se indresaunt au. leida kum i sowenig ins kino in die letzten joar, damit i eire seitn so richtig ausnutzn kunnt. mocht oba nix, dafia was i jetzt wieda, wos si so auspüd im kino daunk eira seitn. oba wos aunders: wos isn mitn wauzi? in die letzten tog schreibst nua mehr du, i man, i kau ma scho denkn, warum, oba des geht kan wos au. der hot woarscheinlich net sovü zeid im moment, wiss ma eh. und mia gfoin eichare kritikn beide gleich guad, i kenntat oft ned sogn, wärs gschribn hät, i hof, des stert eich net, waun ich eich ofd ned fiaranaund kenn. oiso , weida so und grias di ( und eich)
dschonni.
LikeLike
Seas, Dschonni!
Guat, dassd einegschaut host.
Da Wauzi stukkatiat jo Önologie an da Sorbonne. Naa, eh ned. In Hernois stukkatiat ea. Owa do kummt ea so sötn vuabei, dass ea urndlich min Stoff hintennoch is. Deswegn muass ea vü nochlerna.
Außadem san de letztn Füm, de wos ea in Paris gsehn hot, no ned bei uns, und wia woin mit de Gritign imma aktuö sei. Owa, es kummt sicha boid a Vuaschau vo eam.
Waunn ea brav leana tuat…
LikeLike