WIENER-DOG

wiener-dog-poster

Und da nächste Füm mit ana Flohtaggn in da Hauptroin. Dermoi mit an Dacklviech, zu den wos de Amerigana a Wiener Hund sogn tan. Des heat si fia de Amerigana dann a wieda au ois wia de Wiaschtln, und vielleicht kumman von den a de haaßn Hund. Waaß i owa ned, hob i ma grod ausdocht. Owa ma muaß si jo monchmoi afoch wos ausdenkn, damit ma bessa dosteht. Deaf i jetz bitte Bundeswuaschtl wean?

De Flohtaggn ziagn si duach via sea vaschiedene Gschichtn um unglickliche Leit, in de easchtn zwa Gschichtn hondlt sis sogoa um de nämliche Flohtaggn, dann eha nimma. Des tuat an scho sea an in Bobbi Bresson sein oidn Eslfüm aus de Sechziga Joa erinnan. Balthasar, wea eam kennt, in Esl. Zum untascheidn vom Ferdinand, in Stia. Dea wos owa a ned glicklich woa. Vo den Ferdinand kummt übrigens im nächstn Joa a eigena Füm. De Babsi deaf si scho gfrein.

Genau wia da Bresson mocht owa a da Solondz in Föhla, dassa zeascht es Viech groß eifiat und eam am Aufong a a wichtige Roin spün losst (De wos in den Foin in den bestehn tatat, dass da Hund ana Famülie es hoibate Haus zuascheißn tatat – wea scho imma a longe Gamerafoaht üwa a suvarän zuagschissane Hauseinfoaht mit ana Klaviamusi dazu segn woit, dea is bei den Füm voi dabei.), dann de Hunzn owa imma mea noch hintn foin losst, bis dass se in de letztn zwa Gschichtn nua mea in Büd umaranandasteht ois wia bstöt und ned oghoit.

So san de anzlnen Gschichtn eh ganz gspaßig, owa es wiad nix Ganzes draus. Immahin, nochden ma glaubt, dass da Füm mit da Schülie Delpy und da Greta Gerwig in de zwa easchtn Gschichtn sei Puiva scho vaschossn hättat, gibts in de letztn zwa endlich wieda schene Roin fia in Dänni DeVito und de Ellen Börstin.

1stern1stern1stern0stern0stern

USA 2016. Regie & Buch: Todd Solondz. Darsteller: Keaton Nigel Cooke, Julie Delpy, Tracy Letts, Greta Gerwig, Kieran Culkin, Connor Long, Danny de Vito, Zosia Mamet, Ellen Burstyn, Michael Shaw. 88 min.

Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s