99 HOMES

99

Da Schbeidamän hot am Anfang sicha ois zsamm 99 Probleme, owa nua ans betrifft a Haus. Nämlich sei eiganes. Ea is grod nega, weu sei Firma krochn gangan is, und jetz gheat de Hittn da Spoakassa. Und die stön eam und seina Famülie ned nua de Bock vua de Tia sondan glei de ganze Möblasch dazua. Ea losst se dann vom Gecko II austön, nämlich genau vo den Immobülienhaifisch, dea wos eam zeascht ausseghaut hot und hüft eam, wiedarum ondare Leit zum aussehaun. Und meakt, dass ma debei guade Knedl mochn kau.

Supa gfümt, sea dicht, noh am Lem und an da Zeit. A da Schbeidemän woa no nie so guad wie in den Füm, und da Gecko II sowieso ned, weu den hoss i eigantlich. Und dem sei Roin is a großoatig gschriem. Kloa, a Kapitalistenoasch wia ausn BeWeEl-Biachl, so fangt sis au. Owa ka Trottl ned. Und mit an Gspia fia de Leit. Offenboa is a frira söwa ned auf Buttaseitn gfoin gwesn und hot si entschiedn, dass, wanns scho Opfa gem muass, ea ned dazua ghean wiad. Ea waß, wosa tuat. Obs des bessa mocht, is natirlich froglich.

Ka Füm zum aufplotztn Kukuruz haban, owa fein, wamma si drauf eilosst. Und i kau aus meine eiganen beruflichn Eafoahrung sogn, dass de Leit an sich genau soichane Oaschlecha und/oda Voipoidln san, wia wos do zeigt wiad. Und da braucht ma si a nimma wundan, wann dann de Schof ihre eiganen Schlochta am Stimmzettl aukreizn. Bääääh! Bääääh! Bääääh!

1stern1stern1stern1stern0stern

USA 2014. Regie: Ramin Bahrani. Buch: Ramin Bahrani, Amir Naderi, Bahareh Azimi. Darsteller: Andrew Garfield, Michael Shannon, Laura Dern, Tim Guinee, Carl Palmer,  Randy Austin, Noah Lomax, Clancy Brown. 112 min.

Füme, dies eich dazu furtbüdendaweis auschaun kennts:
(draufklickn, und es kummts zua Internet Movie Database)

Werbeanzeigen

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s